Теракт кезінде Ниццада болған қазақстандық үш азаматтың қайда екені әзірге анықталған жоқ.
Бұл туралы ҚазАқпарат тілшісіне ҚР Сыртқы істер министрлігінің баспасөз қызметі хабарлады.
«Әзірге Ниццада жоғалған отбасы жөнінде еш ақпар болмай тұр. Іздеу жұмыстары жалғасуда. Іздеуді біздің дипломаттар жүргізуде», – деп атап өтті ҚР СІМ баспасөз хатшысы Ануар Жайнақов.
Қазір қазақстандық дипломаттар француз билігінің көмегімен оларды іздеу жұмыстарын жалғастырып жатыр.