Жақын күндері немересі жантүршігерлік жол апатынан қайтыс болған Олжас Сүлейменов ауруханаға түсіп қалды.
Бұл туралы отандық журналист Гүлжан Ерғалиева өзінің Facebook желісіндегі парақшасында жазды.
https://kaz.365info.kz/olzhas-sylejmenovtyn-nemeresinin-khalyndygy-zhazda-tojymyz-bolady-dep-edik-321547
“Бүгін аураханада жатқан Олжас Сүлейменовке барып қайттым… Оның палатасының есігін ашуға батпай, біраз тұрдым. Оны қалай жұбатарымды, не айтарымды білмедім.
Олжеке төсекте емес, үстелде отырып, бірдеңе жазып жатты. Менің жүрегім сыздап кетті. Бірнеше күн ішінде адам осыншама қартайып кетеді деп ешқашан ойламаппын. Олжеке 82 жаста болса да, ешқашан бұлай шөкпеген, достарымен бірге тіпті волейбол ойнап, денесін тік ұстап жүретін.
Ал қазір оның көзінен ауыр қайғы көрдім және мұндай ұлы ақынға тән емес қатты ашуды көрдім”, – деп жазды ол.
Сонымен бірге ол Олжас Сүлейменов немересін қағып кеткен адамды таппай қоймайтынын және осыған байланысты құзырлы органдарға хат жазып жатқанын да жеткізді.
https://kaz.365info.kz/astanada-zhantyrshigerlik-zhol-apaty-olzhas-sylejmenovtin-nemeresi-khaza-bolgan-video-321072
“Міне, енді Ескендір жоқ. Олжекенің жалғыз және тұңғыш немересіне қараңыздаршы. Ол осы атқа алып жүруге лайық әрі өрімдей жас жігіт еді. Олжеке оны Маргарита Владимировнамен бірге өсіріп, оның бақытты, алаңсыз өмір сүріп, сүйікті мамндығы бойынша жұмыс істейді деп армандаған еді.
“Ескеннің тойына арнап сөз сөйлеймін деп едім, енді міне, оның жерлеуінде қайғы жұтып сөз сөйледім”, – деген Олжас
Сүлейменов жылап жіберуге шақ қалды”, – деп жазды Гүлжан Ерғалиева.