“Не анау?..”. Сара Тоқтамысова құрбыларымен үлгі көрсетеміз деп сынға қалды (фото, видео)

Соған қарағанда олар қазақ келіншегінің бүгінгі образын жасап, елге үлгі болғысы келген секілді.

“Бірауыз тілекке, ыстық ықыласқа, жылы лебіздерге оранған керемет кеш болды! Арнайы Алматыдан, Ақтөбеден, Ақтаудан, Қарағандыдан келген достарыма, Астанадан үйдегі шаруаны тастай салып, құрметтеп келген жақсыларыма мың алғыс!

Бір-біріміздің қуанышымызды бөлісіп, жақсылығымызға ортақтасып жүргенге не жетсін шіркін… Кешелі бері тілектерін аямай жазып жатқан менің құрметті инста достарым сіздердің әрқайсыларыңыз жақсы көремін, алтын бастарыңызды бағалаймын!

Маған тілеген тілектеріңіз өздеріңізге мың есе боп қайтсын! Бәріңізде той көп болсын!” – деп жазды Сараның өзі Instagram желісіндегі парақшасына.

Қонақтардың арасында әнші Қарақат Әбілдина, Ақбота Керімбекова, Айгүл Қосанова, айтыскер Айнұр Тұрсынбаева секілді тағы басқа танымал адамдар болды.

Желідегілер қыздардың киіміне өте жоғары баға беріп, бірақ шаштарын жайып жібергендерін сынға алды.

„Ана Қарақат секілді шаштарыңды жинап, өріп алсаңдар қандай тамаша„

деп жазды бір желі қолданушысы. Ал тағы бірі бала туған әйелдердің басын ашық ұстағанын сынаған.

„Ұлттық киіммен қазақ келіншегіне ақ жаулық жарасады негізі„

деп жазды тағы бірі.

Сара Тоқтамысова – “Дарын” Мемлекеттік жастар сыйлығының иегері, айтыскер ақын. Соңғы кезде арнайы ән жаздырып, қыз ұзататын болып жүр.