Жол ережелеріне енгізілетін өзгерістер жемқорлықты жоюға бағытталған делінеді. Мысалы:
– Полицейлер жүргізушіні тоқтатқаннан кейін тез келіп, аты-жөнін айтып, куәлігін көрсетіп, не үшін тоқтатқанын айтуы тиіс. Егер радармен «атқан» болса, радарындағы деректі көрсетуі тиіс. Бұл талаптар заң жүзінде бекітілді;
– Көлік құралын тоқтатқан кезде жүргізуші фото- және виде түсіруге құқылы болды;
– Заңға «құқық қорғау және арнайы органдардың арнайы шарасы» деген түсінік енгізілді. Осы түсінік көлік құралдарын тоқтатуға негіз беретін болды;
– Жүргізуші куәлігінің мерзімі өтіп кеткен азаматтар қайта емтихан тапсырмайтын болды;
– Жолаушылар тасымалымен тұрақты айналыспайтын тасымалдаушыларға түнгі уақытта жолаушы тасуға тыйым салынды;
– Көлік құралдарына аэрографиялық сурет салуға тыйым енгізілді;
– Көлік рөлінде мас күйінде ұсталғандарды 3 жылға жүргізуші куәлігінен айыратын болды. Медициналық сараптамадан өтуден бас тартқандардың куәліктерін де 3 жылға тартып алады.
– Стоп-линиядан асып кеткендердің айыппұлы 5 АЕК-тен 3 АЕК-ке дейін төмендеді;
– Полиция тоқтатқаннан кейін жолаушыларға полицейдің рұқсатынсыз көліктен шығуға болмайды деген талапты алып тастады.
https://kaz.365info.kz/allo-nazarbaev-shegip-al-an-o-ushy-mentterdi-or-yta-zhazdady-227216