Назарбаев: “Мені асыра мақтаудың қажеті жоқ”
Нұрсұлтан Назарбаев Қостанайдағы жұртшылықпен жүздесті. Кездесуде Ішкі істер министрлігі оқу орталығы директорының орынбасары Амантай Жүнісов сөз алды.
– Нұрсұлтан Әбішұлы – біздің әкеміз, біздің мемлекеттің қабырғасын қалаған адам. Қазақстандағы барлық тұрғындар – “назарбаевшылар”. Осы себепті біздің мақсатымыз балаларымыз бен немерелерімізді “назарбаевшылар” қылып тәрбиелеу” – деді өз сөзінде Жүнісов.
-Бұл ескі лозунгтерге ұқсайды. Мені мұншама асыра мақтаудың қажеті жоқ. Сендер болашақ полицейлерді баулып жатырсыңдар. Осы себепті олардың құлағына тәртіп сақшысының негізгі принциптерін құюға тиістісіңдер, – деді.
Президенттің айтуынша, жолдағы пара алу және пара берумен күресу керек. “АҚШ-та пара беру туралы түсінік жоқ. Қазақстандағы полиция қызметкерлерінің жалақасы жақсы. Полиция адамның досы болуы керек. Халық өзін қауіпсіз сезінуі тиіс” деді Президент.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе