NASA ескерту жасады: жақын арада Жерге жат ғаламдықтар келеді
Адамзат жат ғаламдық тіршілікпен кездесудің алдында тұр, деді АҚШ конгресінде NASA-ның ғалымы Томас Цурбухен.
“Қазіргі ғылымның дамығаны сонша, біз жақын арада өзге ғаламдық тіршілік иелерін табуымыз мүмкін, бұл адамзат тарихындағы ең фундаменталды жаңалықтың бірі болмақ“, – деген оның сөзін РИА Новости келтіреді.
Оның айтуынша, NASA ғаламның қай жерлеріндегі қандай жағдайда тіршілік болуы мүмкін екенін белсенді түрде зерттеуде. Жат ғаламдық тіршілік іздеу бағыты енді ресми түрде NASA-ның бюджетіне енді.
Бұдан бұрын, сәуірдің 22-сінде NASA-ның басшысы Чарльз Болден Хьюстондегі баспасөз жиынында сөйлеген сөзінде жат ғаламдық өркениеттің Жерге 2025 жылға дейін келетіні анық деген.
“Ғарышта қорқынышты құбылыс көп, кейбіреуі біздің бар екенімізді біліп отыр. Ғаламда шашамен 30 мыңдай жат ғаламдық өркениет бар. Біз ондаған жылдар бойы ғарыш кеңістігінде белсенділік белгілерін білдірдік, құрығанда бір өркениет бізді байқап қойған болуы керек. Олар бізді кез-келген сәтте басып алуы мүмкін“, деген еді ол.
https://youtu.be/7BXr_tkwAIk
tengrinews.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе