Мысыр елінде аударылып қалған автобуста қазақстандық жолаушылар болған.
Бұл туралы nur.kz хабарлайды.
Хабарласқан бойжеткеннің айтуынша, ол ауруханада ем қабылдаған. Алдын ала болжам бойынша, автобус жүргізушісі Хургададан Каир қаласына бара жатқан жолда ұйықтап кеткен.
«Мен ауруханадамын. Тағы бір қызды ауыр халде басқа ауруханаға алып кетті. СІМ-ге бізге көмек қажет екенін жеткізіңізші”, – деп жазды ол.
Біраз уақыт өткен соң тағы да хабарласқан бойжеткен жағдайы жақсарғанын және қонақүйге келгенін айтты.
Сонымен бірге, ол ұялы телефонында байланыс жоқ екенін және зардап шеккендердің санын нақты айта алмайтынын жеткізді.
Бұл жайтқа қатысты Қазақстанның Сыртқы істер министрлігі жауап берді.
“29 тамызда сағат таңғы 4.30 шамасында Хургада – Каир автожолында жолаушылар автобусы аударылып қалған. Оның ішінде Каирға экскурсияға бара жатқан 22 қазақстандық турист те болған.
Жол апаты салдарынан Қазақстанның екі азаматы түрлі жарақаттармен «Рас-Гариб» аталатын жақын маңдағы елдімекен ауруханасына жатқызылды. Оларға алғашқы медициналық көмек көрсетілді.
Қазіргі таңда Қазақстан консулдығының қолдауымен толыққанды медициналық көмек көрсету және қосымша диагностикалық процедураларды жасау үшін жарақат алған екі жолаушы Хургададағы «Аль-Мысри» госпиталіне тасымалданатын болады.
https://kaz.365info.kz/khyzylordada-sifilis-zhykhtyrgan-11-ystazdyn-khajda-istejtini-anykhtaldy-329895
Басқа жолаушылардың жағдайы қанағаттанарлық. Олар Хургадаға жеткізіліп, медициналық тексерістен соң демалыстарына қайта оралды.
Жағдай Қазақстанның Мысырдағы елшілігінің бақылауында”, – деп мәлімдеді ҚР СІМ.