БҚО-да Ораза айында елге жақсылық жасап, шұрқ тесік ауыл жолын жөндеуге кіріскен кәсіпкер күтпеген наразылыққа тап болды.
Кәсіпкер БҚО-дағы Мичурин ауылды округінің жолын жөндеп жатыр, алайда бұған жергілікті халық наразы, деп хабарлайды Мой город.
Ауыл тұрғындарына жолдың талапқа сай жөнделмеуі ұнамаған. Сондықтан олар жергілікті газетке хабарласқан. Ал газет тілшісі жол жөндеушілермен жүзбе-жүз жолыққанда оның әкімдікке еш қатысы жоқ екенін анықтапты. Жол жөндеп жүрген жұмысшы Николай мұны Ораза айында жақсылық жасағысы келген кәсіпкердің арқасы екенін айтқан.
“20 мамыр күні таңертеңнен бастап ойықтарды бекіте бастадық. Мұны ЖШС иесі қолға алды. Ол үшін цементті шұңқырларға құйып жатырмыз.
Таспен, ағашпен қоршаймыз. 50 қап цемент төседік. Ауыл тұрғындары сын айтып жатыр. Қазір ХХІ ғасыр, неге цемент құйып жатырсыңдар дейді”,
– деді жұмысшы.
Ауыл әкімінің орынбасары Ибрагим Жұмағалиев мұның жөндеу жұмысы емес екенін, жолды Рамазан айында кәсіпкердің бірі жөндеп жатқанын айтты. Алайда жергілікті халық жолды кім жасаса да дұрыстап жасап берсін деп талап етіп отыр.