Алматыда 30-қарашада «Моана» мультфильмінің қазақ тіліндегі алдын ала көрсетілімі өтеді.
Бұл туралы қала әкімдігінің баспасөз қызметі хабарлады.
2016 жылы 30-қарашада Алматы қаласындағы Kinopark 11 IMAX Esentai Mall кешенінде Disney студиясының «Моана» анимациялық фильмінің қазақ тіліндегі алдын-ала көрсетілімі өтеді.
Моана – Дисней студиясының жаңа ханшайымы, Туи көсемінің қызы, 14 жасар қиялшыл қыз, ол жартылай құдай-кейіпөзгерткіш Мауимен бірге мұхитқа саяхатқа аттанады. Үлкен экранға Дисней студиясының толықметражды «Моана» мультфильмінің қазақ тіліндегі трейлері шығып жатыр. Мультфильмнің Қазақстандағы тұсаукесері 2016 жылдың 1-ші желтоқсанында өтеді.
Дубляжға 35-тен артық актер қатысты. Басты кейіпкерлерге өз дауыстарын Лидия Кәден, Назерке Серікболова, Мақпал Исабекова, әнші Бүркіт, Жәнібек Мұсаев, Сырым Қашқабаев, сондай-ақ басқа актерлер мен қазақстандық эстрада әртістері сыйлады.
Қазақ дубляжының режиссері – Рита Әбішева, жобаның музыкалық жетекшісі – Борамбаева Күнімгүл.