Facebook’те өткізген уақыт пен қолданушы өмірінің ұзақтығы арасында байланыс бары анықталды.
АҚШ зерттеушілері Facebook’те өткізілген уақыт пен оны қолданушылардың денсаулығы, өмір жасы арасында байланыс барын анықтады. Зерттеу PNAS журналында жарияланды.
Сан-Диегодағы Калифорния институты мамандарының зерттеуі Facebook’тегі 12 миллион адамның профиліне жасалған сараптамаға негізделген. Ғалымдар оны Калифорнияның денсаулық сақтау департаментінің жазбаларымен салыстырған.
Ғалымдардың пікірінше, қолданушыларға әлеуметтік желіні “шынайы” әлеммен байланыстыру міндетті емес – желідегі қатынастың өзі жеткілікті.
Ғалымдар Facebook – өмір жасын ұзартады деуге әзірге асықпай отыр. Олар ұсынған көзқарастың басқа да қырлары болуы мүмкін: дені сау адам белсенді өмір сүреді, ол интернетте де көрініс табады.
Бұған дейін хабарланғандай, ғалымдар тапқан бір генді өшіргенде адам өмірі әлдеқайда ұзарады.