“Өтірік салам…”. Ақылбек Жеменей ұятсыз екенін мойындады (фото)
Ақылбек Жеменей желіде қымбат маркалы әрі мемлекеттік нөмірдегі көліктермен түскен суретін жиі жариялаqды. Алайда өнер иесі “тізгіндеген темір” тұлпарлардың тоқсан тоғыз пайызы өзінікі болмай шықты. “Қызыл өрікпен” өнері өрлеген жігіттің өтірігі әшкере болды.
Бұл туралы Hit-Tv арнасына сілтеме жасап Stan.kz хабарлайды.
Оқырмандары мен өнердегі әріптестері Ақылбекке қызыға да, қызғана да қарайды. Алайда бұл автокөліктердің 99 пайызы Ақылбектің мүлкі емес екені белгілі болды.
“Жігітті тұлпарынан байқайсың дегенді қазақ баяғыда айтып кеткен. Желіге көліктерге байланысты жалған ақпарат анда-санда саламын. Соның ішінде әлеуметтік желідегі парақшама ұнаған мемлекеттік нөмірлермен, қымбат көліктердің суретін салып тұрамын.
Барлығы менікі емес. Басым бөлігі бақуатты ағаларымдікі. Байып кеткен жоқпын. Бір көлік пен жалғыз әйелдің иесімін. Сондықтан парақшамдағы суреттердің ішіндегі 99 пайыз көлік менікі емес. Тағы бір “Қызыл өрік” секілді хит ән шықса, мініп те қалармын қалағанымды”, – дейді Ақылбек.
Соңғы кездері көк жәшіктен көрінбей кеткен әнші шығармашылық тоқырауда жүр. Бұған қарамастан әл-ауқаты әлі де болса әлсіремеген. Келісті ән, хит болары хаһ болса сатып алу үшін, тіпті 40 мың долларын аямайтынын алға тартты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе