Мединедегі Хассан ибн Сабит атындағы мектепте қазақстандық оқушы Ахмед Тошбиков Нұр баспалдақтан құлап қаза тапты.
Оқиға 2017 жылдың 23-сәуірінде болған, – деп хабарлады Gulf Daily News. Баланың баспалдақтан құлаған сәті видеоға түсіп қалған. Оқиғаны видеоның 52-секундында көруге болады.
Бала жерге баспен түсіп, ауруханаға жеткенше өліп кетіпті. Баланың Құран оқу орталығында 1-курста оқығаны белгілі болды. Ел билігі бұл оқиғаны зерттеп жатыр.
Мединедегі Хассан ибн Сабит мектебінде баспалдақтан құлап мерт болған қазақстандық баланың ата-анасы білім мекемесіне шағымданбайды. Бұл туралы ҚР СІМ-нің баспасөз қызметінің жетекшісі Әнуар Жайнақов мәлімдеді деп хабарлады Tengrinews.kz. Баланың 1981 жылы туған әкесі – Оңтүстік Қазақстан облысының тумасы. Бүгіндері ол отбасымен Сауд Арабиясында тұрып жатыр екен. Ол Медициналық ислам университетінде білім алуда.