Мәжіліс депутаты ҰБТ-ның жасөспірімдік зорлық-зомбылықпен өзара байланысы туралы айтты

Оның айтуынша, ҰБТ енгізілгенге дейін еліміздің мектептерінде қоғамдық және ұжымдық қызметтер жақсы жұмыс істеген. Бұл қарым-қатынас дағдыларына үйретті және балалар жақсы мен жаманды сол жерде түсінетін болған.

ҰБТ енгізгеннен кейін тестілеу көрсеткіші негізгі құндылыққа айналды

Тәрбие жолындағы жетістіктерді ешкім ескермеді және бағаламады. Тәрбие үрдісі жоқ десе де болады. Онда оқушы ұжымдық оң ынтымақтастықты, қарым-қатынасты реттеу қажет болған жағдайда төбелесуден басқа амалды қайдан үйренеді?» – дейді қаржы және бюджет комитетінің мүшесі.

Неке институты құлдырап барады

Сондай-ақ, Смирнова өскелең ұрпақты отбасында жеткіліксіз тәрбиелеу мәселесін көтерді. Депутаттың айтуынша, неке институты дағдарыста: әрбір үшінші отбасы ажырасады. Бұл да оқушылардың мінез-құлқына әсер етеді.

Сонымен қатар, Мәжіліс депутаты Қазақстандағы қосымша білім тапшылығын айтты. Ұлттық экономика министрлігі бастамасымен жасалған және әкімдіктер қолдаған ұйымдарды оңтайландыру, оның пікірінше, өзінің теріс жемісін береді.

«Цифрлардың артынан баланы көрмеді. Қаржылық қызығушылықтың артында — мәңгілік құндылықтар

Мысалы, соңғы уақытта жасөспірімдер арасында зорлық-зомбылыққа байланысты көп аталатын Сарыағаш ауданында бірде-бір заманауи спорт алаңы жоқ, клуб жұмыс істемейді, балалар спорт мектебі, оқушылар үйі, кинотеатр жабылды», — деп жалғастырды ол Қазақстан премьер-министрінің атына жолдаған депутаттық сауалын.

Мәселені қалай шешеміз?

Олардың шешімі ретінде депутат балалар мен жастарға қосымша білім беру нысандарын сату мен оңтайландыруды тоқтату және спортпен айналысу үшін аулаларды, саябақтар мен скверлерді жайластыру қажеттігі туралы мәлімдеді. Шымкент Білім және мәдениет басқармасының «Театр — балаларға, балалар – театрға» бастамасын қолдау және тарату қажет екенін айтты.

Ал Білім және ғылым министрлігіне оқу жүктемесін қысқартуды,

және әлеуметтік педагогтердің біліктілігін арттыру жөнінде шараларды қабылдауды ұсынды.

Сонымен қатар, Ирина Смирнова ішкі істер министрлігіне де сын айтты. Оның айтуынша, отандық полиция қызметкерлері мектеп оқушылары арасында төбелес, бопсалау, буллингтерге кесімді төзбеушілік көрсетулері тиіс. Ал балаларға қатысты қылмыстарды ерекше бақылауда ұстауы керек.