“Марқұм айта алмай кетіпті…”. Өзіне қол салған оқушының ісі насырға шапты (видео)

https://kaz.365info.kz/shymkentte-15-zhasar-zhasospirim-oz-ozine-khol-saldy-311502

Тергеушілер болса «10 сынып оқушысын қамап алсақ, қалғандары артынан қамала береді» деп ұлынан айрылған ананы көндіріпті.

«Міне, қазір төрт ай түгілі, бес айдан өтіп жатыр. Өзгеріс жоқ, ол баланы жазықсыз қамап отыр. Менің талабым сол, төрт бала жазасын алуы керек. Менің балам көрде жатады екен де, бұлар неге талтаңдап көшеде жүреді екен», – деп ашынды Фатима Ақылбекова.

Күдіктінің туыстары да сот отырысында бірқатар таңқаларлық оқиғаларға тап болғанын айтады. Мәселен, хаттағы бастапқы төрт оқушы жәбірленуші қатарынан табылып отыр дейді.

Ал сынып жетекшісінен баласына берілген оң мінездемені тергеуші қабылдамапты.

«Мақтап жазып берген мінездемені жамандап жазып бер, алмаймын, жұмысыңнан құрисың деп айтқан. Ал оның бұлай айтуға құқы жоқ қой», – дейді күдіктінің әкесі Бекболат Нұрлаев.

Мінездемеге қатысты әңгімені қамауда отырған баланың сынып жетекшісі де растады. Ал марқұм болған баланың туыстары судьяға 4 оқушыны жауапқа тартуды сұраған арызын табыстады.

https://kaz.365info.kz/akhtobede-naukhas-tekserip-kelgen-darigerdi-pyshakhtap-tastady-319343

Бұл жағдайға қатысты сол кезде:

«Үлкендердің кішілерге әлімжеттік жасап жүргенін арнайы инспектор, мұғалімдер, директордың білмеуі мүмкін емес» – деген Шымкент әкімі директорды жұмыстан қуатынын да айтқан болатын.

Алайда, марқұм болған Ерсұлтанның туыстары директор, директордың орынбасарлары мен ұстаздар жағы сөгіспен ғана шектеліп, барлығы да өз орнында қалғанын жеткізді.