15-ші қыркүйекте Ресей астанасы Мәскеуде Қазақстан Премьер-Министрінің бірінші орынбасары Асқар Маминнің «Роскосмос» ғарыш қызметі жөніндегі мемлекеттік корпорациясының бас директоры Дмитрий Рогозинмен маңызды жұмыс кездесуі өтті.
Нақтылап айтар болсақ, осынау кездесудің аясында Қазақстан мен Ресейдің арасындағы ынтымақтастықтың өзекті мәселелері мен «Байқоңыр» кешенін одан әрі дамыта түсудің мүмкіндіктері сөз болып, тараптар бұл орайда ой-пікірін ортаға салды.
“Байқоңыр” кешеніне қатысты көтерілген тағы бір мәселе – «Бәйтерек» бірлескен Қазақстан-Ресей жобасының іске асырылу барысы талқыланды.
«Байқоңыр» кешені жөніндегі үкіметаралық комиссияның алдағы жұмыс тәртібі, сондай-ақ, Байқоңыр қаласын дамытуға қатысты мәселелер талқыланды.
Айта кетелік, бұдан бұрын Қазақстан мен Ресей «Бәйтерек» жобасын қаржыландыруға қатысты хаттамаға қол қойған болатын. Сол жолы «Роскосмос» Ғарыштық қызметі бойынша мемлекеттік корпорацияның Бас директоры Дмитрий Рогозин мен ҚР Қорғаныс және аэроғарыш өнеркәсібі министрі Бейбіт Атамқұлов кездескен-тұғын.
Кездесу «Әскер-2018» халықаралық форум алаңында өткен.
Іс-шара аясында қазақстандық және ресейлік тараптар «Байқоңыр» ғарыш айлағында «Бәйтерек» ғарыштық зымыран кешенін (ҒЗК) құру жөнінде Үкіметаралық келісімге өзгерістер мен толықтырулар енгізу туралы Хаттамаға қол қойған.
Аталған құжатқа қол қоюы қазақстандық тарапқа бұл жобаны қаржыландыру мәселесін шешуге кірісуге мүмкіндік беретіні атап өтілген еді. Сонымен қатар, кездесу шеңберінде екі жақ басқа да бірлескен жобалардың іске асу барысы мен «Байқоңыр» кешеніне инвестициялар тарту мәселелерін талқыланған.
«Бәйтерек» ҒЗК құру «Байқоңыр» ғарыш айлағындағы қазақстандық-ресейлік негізгі бірлескен ғарыштық жоба болып табылады.
Аталған жобада қазақстандық тарап «Зенит-М» ҒЗК-нің жерүсті ғарыштық инфрақұрылымын жаңғырту үшін жауапты, өз кезегінде ресейлік жағы орта тапты жаңа «Союз-5» ЗТ құру үшін жауапты.
2017 жылдың 13 маусымда «Байқоңыр» кешені бойынша ҮАК 5-ші отырысы барысында ресейлік тарап «Бәйтерек» ҒЗК құруын жылдамдатуды ұсынды: оның ұшу сынақтарын 2022 жылы бастау және басқарылатын ұшыруларды жүзеге асыру мүмкіндігін қарастыру.
Қазақстандық тарап бұл ұсынысты қолдады. 2017 жылдың 12 желтоқсанда 2017-2022 жылдарға арналған «Бәйтерек» жобасын іске асыру бойынша жол картасы және «Бәйтерек» жобасын іске асыру шарттары бекітілді.
Ал бүгінгі таңда «Байқоңыр» кешені бойынша ҮАК 5-ші отырысында қабылданған шешімдерінің негізінде қазақстандық жағы «Байқоңыр» ғарыш айлағының 42, 43 және 45-алаңдардағы «Зенит-М» ҒЗК-нің жерүсті ғарыштық инфрақұрылымның барлық 243 объект қабылдады.