Маңғыстауда төлқұжат жасатпақ болған қойшы жігіт отбасынан айырылып тынды
Маңғыстау облысында төлқұжатын жоғалтқан бір қойшы жігіт мекемелердің табалдырығын тоздырып жүріп, ақыры сотталып тынды. Оған қоса отбасынан да ажырап қалды.
Бұл туралы мәлімет Маңғыстау облыстық сотының сайтында тіркелді.
«Бейнеу аудандық сотында ҚР Қылмыстық кодексінің 392-бабының 1-бөлігімен А. деген азаматқа қатысты қылмыстық іс қаралды. Сотта анықталғандай, А. 2007 жылы Қазақстанға Өзбекстаннан заңды түрде келіп, Бейнеу ауданына қарасты малды ауылда қойшы болып жұмыс істеген. Ол сол кездері төлқұжатын жоғалтып алады.
2016 жылы Өзбекстан Республикасына төлқұжатын қайтадан шығарту үшін барғанда, ондағылар 1996 жылы А.-ға азаматтық қателікпен берілгенін айтып, құжат беруден бас тартқан. Өзбекстанда үйсіз, жұмыссыз жүргендіктен және зайыбы, балалары Қазақстанда тұратындықтан, А.үйіне келуді жөн көріп, 13.07.2017 жылы амалсыздан Қазақстан Республикасының мемлекеттік шекарасын заңсыз кесіп өтуге мәжбүр болған», – делінген Бейнеу аудандық сотының баспасөз қызметінің хабарламасында.
Сот үкімімен А. кінәлі деп танылып, оны Қазақстан Республикасының аумағынан бес жылға шығарып, 6 айға бас бостандығынан айыру жазасы тағайындалды.
Сот үкімі заңды күшіне енді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе