Маңғыстауда той болып жатқан мейрамхана өртеніп кетті (видео)
Маңғыстау облысының Бейнеу елді мекенінде үйлену тойы кезінде өрт шықты.
Бұл туралы Sputnik.kz хабарлады.
“Жексенбіден дүйсенбіге қараған түні Бейнеу елді мекенінде мейрамхананың шатыры өртенді. Қоңырау 00.20-да түсті, өртті сөндіруге екі сағатқа жуық уақыт кетті. Жалын 680 шаршы метрге шарпыды. Қаза тапқандар мен зардап шеккендер жоқ. Тойға келгендер өртеніп жатқан мейрамханадан өздері шықты”, — деп хабарлады ТЖ комитеті.
Өрттің алдын ала себебі – пиротехниканы қолдану ережесін сақтамау.
Әлеуметтік желілерде оқиғаның видеосы жарияланды.
Өртті сөндіруге Маңғыстау облысы ТЖ департаментінің 15 өрт сөндірушісі мен 3 арнайы өрт техникасы, сондай-ақ Төтенше жағдайлар комитетінің Маңғыстау облысындағы филиалына қарасты “Өрт сөндіруші” АҚ қызметкерлері мен техникасы жұмылдырылды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз