Маңғыстауда “Рухани жаңғыру” керуені тізгін қақты (видео)
Маңғыстауда “Рухани жаңғыру” керуені жолға шықты.
Бұл туралы Маңғыстау облысы әкімінің баспасөз қызметі хабарлады.
Республикамызда тұңғыш рет ұйымдастырылған “Рухани жаңғыру” керуені Маңғыстаудан тізгін қағып, өз сапарын бастады. Түрлі сала өкілдерінің басын қосқан көш өңірдегі 56 елді-мекенді аралап, жастармен кездеседі.
Шараның мақсаты – Елбасының “Болашаққа бағдар: Рухани жаңғыру” бағдарламалық мақаласын іске асырудың негізгі бағыттарын көрсете отырып, жастарды өңірдің әлеуметтік-экономикалық өміріне белсенді қатыстыру. Сондай-ақ, мемлекет тарапынан жасалып жатқан жобаларды жан-жақты түсіндіру.
Керуен құрамындағы топ мүшелері бес бағытта жұмыс жасауды қолға алған. Атап айтсақ, бос уақытты ұйымдастыру, жұмыспен қамту, құқық бұзушылықтың алдын алу, патриоттық тәрбие беру, тұрғын үй және жатақханмен қамтамасыз ету бойынша түсіндіру жұмыстарын жүргізіп, қолдау көрсету.
Делегация осы уақытқа дейін 4 аудан мен 26 елді-мекенді аралап, жергілікті жастардың қатысуымен түрлі шараларды ұйымдастырғандарын айтады. Қорытынды кездесуді 15 қараша күні Ақтау қаласындағы Абай атындағы мәдени-демалыс кешенінде өткізуді жоспарлап отыр.
“Рухани жаңғыру” керуені әрі қарай Атырау облысын аралайтын болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе