Маңғыстауда қайғылы оқиға орын алды, 9 адам қаза тапты (фото, видео)
Жаңаөзен қаласының сыртында теміржолда төтенше оқиға орын алды. 36 адам зардап шегіп, оның тоғызы мерт болды. 27 адам ауруханаға жеткізілген, оның сегізінің халі нашар. Ішінде 3 бала бар.
Жаңаөзен қаласы маңындағы Теңге ауылындағы теміржол өткелінде жолаушылары бар “Газель” көлігі мен тепловоз соқтығысқан.
“Осы дерек екі бап бойынша сотқа дейінгі бірыңғай тергеу реестріне тіркелді. Сотқа дейінгі тергеу басталды”, – деп хабарлады Жаңаөзен прокуратурасының өкілі.
“Қазақстан темір жолы” ұлттық компанияның баспасөз қызметіндегілер теміржол өткеліндегі дабыл беру құрылғысының дұрыс жұмыс істеп тұрғанын айтады. Машинист сағатына 60 шақырым жылдамдықпен келе жатып, жолдан көлікті көргенде жедел түрде тоқтаған. Қазіргі уақытта компанияның арнайы комиссиясы оқиғаның мән-жайын анықтап жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе