Маңғыстау облысы әкімінің бірінші орынбасары қамауға алынды
Маңғыстау облысы әкімінің бірінші орынбасары Серік Аманғалиев қамауға алынды, – деп хабарлайды Tengrinews.kz облыстық соттың баспасөз қызметіне сілтеме жасап.
“Ақтау қалалық мамандандырылған ауданаралық сотының 2018 жылғы 5-қарашадағы қаулысымен Сыбайлас жемқорлыққа қарсы іс-қимыл Ұлттық бюросы Тергеу департаментінің Аманғалиев Серік Қалешұлын екі айға қамауға алу туралы өтініші қанағаттандырылды”, – деп хабарлады соттағылар.
Аманғалиев мемлекеттік қызмет пен мемлекеттік басқару мүддесіне қарсы аса ірі жемқорлық қылмыс жасады деген күдікке ілінген.
“Сыбайлас жемқорлыққа қарсы іс-қимыл ұлттық бюросының қызметкерлері 2018 жылдың 3-қарашасында сағат 18.40-та Ақтау халықаралық әуежайында Аманғалиевті ұстады, одан 115 мың еуро сомасындағы қаражат тәркіленді. Осы дерек бойынша ҚР Қылмыстық кодексі 366-бабының 3-бөліміне сәйкес соталды тергеу жүріп жатыр”, – деді баспасөз қызметіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе