Азаматтық белсенділер Макс Боқаев пен Талғат Аянның ісі бойынша куәгер ретінде қатысушы сотқа қатысардан бұрын арнайы қызметтен нұсқау алғанын мәлімдеді.
Сот Қарабатан ауылындағы мұнай өңдеуші кәсіпорынның жұмысшысы Қанат Әділханов пен Caspian Energy Research компаниясының қызметкері Еркін Атыраубаевтан жауап алды. Екеуі де 24 сәуірде Атырау қаласындағы орталық алаңда жер реформасына қарсы митингке қатысқан.
Куәгерлердің екеуі де митинг туралы әлеуметтік желілерден білгенін және Макс Боқаевты 24 сәуірде Атыраудағы Исатай мен Махамбет алаңында бірінше рет көргенін айтты. Атыраубаев бейбіт жиынға шығу арқылы конституциялық құқығын қолданғанын атап өтті.
Судья Гүлнәр Дәулешова прокурорға куәгерді куәлік ету қарсаңында нақты кім шақыртқанын анықтауын тапсырды.