“Мақұлыққа ұқсамайды”. Кино тамашалаған мысық интернет жұлдызына айналды (видео)

Техника мен технологияның құдіреті соншалық жөргектегі бала түгілі мақұлық деген үй жануарларын да өзіне телміртіп қоятын болыпты.

Мынаны мысық демесеңіз, оны қорқынышты кино көріп отырған саналы жаннан еш айыра алмас едіңіз. Ол телеэкранның ар жағында болып жатқандардың барлығын түсініп отырған секілді. Тіпті, киноға беріліп кеткені соншалықты, келесі сюжеттің желісін құмарта күтіп, өз болжамына сай эмоциялар жасайды. Ал ең қорқынышты сәт тақағанда мысық екі бүйірін қысып, бірдемені күткендей болады. Шынымен де қорқынышты жағдай орын алып, шыңғырған адамның жан дауысы шыққанда ол ытқып, қаша жөнеледі.