Шоу-бизнесте жүрген әншілердің жартысына дерлігіне ән жазып беріп жүрген танымал сазгер Ербол Спанәлиев осыған дейін олардың бір де бірі өзіне көлік мінгізбегенін айтты.
Бұл реттегі өз назын сазгер kaz.365info.kz сайтының „Неге солай„ бағдарламасында берген сұқбатында айтты.
„Сіз көптеген әншіге ән жазып жүрсіз. Соның ішінде МузАрт та бар. Жалпы, өміріңізде қымбат сыйлық алған кезіңіз болды ма? Мысалы, Төреғали Төрәлі орындап жүрген әнінің мәтінін жазған ақынға темір тұлпар сыйлаған екен. Сізде сондай сыйлық болды ма„, – деп сұрады тілші Медет Олжай сазгерден.
Атап-атап бергенмен, бірақ ешқайсысы әкеп берген емес ол көліктерді (күледі). Сөз жүзінде алған машиналарым көп енді.
Мүмкін айтқандары есіне түсіп, ойланатындары болатын шығар ішінде. Қалжың ғой бәрі, әрине.
Сыйлық болып жатады. Онсыз қалай енді? Машина болмаса да ат мінгізіп, шапан жауып жатады. Шүкір дейміз соған да„ – деп жауап қатты бұл сауалға Ербол Спанәлиев.
Айта кетелік, Ербол Спанәлиев көптеген әншіге ән жазып беріп жүрген сұраныстағы сазгер. Атап айтқанда, Мейрамбек Беспаев орындайтын „Құс қанат ғұмыр„, Сәкен Майғазиев – Қайран жастық, Лашын Мұратқызы – Мен сені құлай сүйгенмін, Саят Медеуов – Қара күз, Досымжан Таңатаров – Біз екеуміз, Жігіттер квартеті – Құстармен сырласу, Ернар Айдар – Ұқсамайсың сен басқаға, Рамазан Стамғазиев – Қоңыр əуен, Сағыныш көктем, Зивара – Асыл жарым. Ақбота – Кім едің?, Жазира Байырбекова – Сирен гүлдер. Жазира мен Жанболаттың шырқайтын „Əке мен ана„ әндерінің авторы.
Бұдан бөлек Сержанәлі Әлібек осы сазгердің оншақты әнін орындайды, сол секілді Ербол Спанәлиевтің әнін орындап жүргендердің арасында Еркін Нұржанов, Мәди Дәуренұлы, Тоқтар Серіков, Мақпал Жүнісова, Алтынай Жорабаева, Абай Бегей де бар.