Алматыдағы Республика сарайында Нұрболат Абдуллиннің алғашқы жеке концерті дүркіреп өтті.
Бұл туралы Today.kz хабарлады.
Нұрболатты қолдауға Асанәлі Әшімов, Алтынбек Қоразбаевтар бастаған Мейрамбек Бесбаев, Тоқтар Серіков, Сәкен Майғазиев, Қайрат Нұртас сияқты қазақ өнерінің жарқын өкілдері де келді.
https://kaz.365info.kz/ojbaj-dollar-ma-khajrat-pen-toregalidy-khossa-neshe-bolady-video-308150
“Сен өзі қайда жұмыс жасайсың?” деді маған көкем осыдан үш-төрт жыл бұрын. Сәкен ағам айтпақшы “айтсаң, мақтанғандай боласың” дейді. Бір халықаралық конкурста Бас жүлдені қанжығама байлаған болатынмын.
Сол кезде әділқазы алқасының төрағасы Алтынбек көкем болған. “Алтынбек көкені көрем, бұндай сұрақ қояды” деген ой ауылдан келген қара баланың үш ұйықтаса түсіне кірмеген. “Көке мен…” деп қай жерімді қасырымды білмей ауданда “Мәдениет үйінде, содан кейін Алматыда музыкалық мектепте вокалдан сабақ беремін, көке” дедім, “Әәә” деп ойланды да, “Онда бірсүгіні “Қазақконцертке” құжаттарыңды алып кел.
Ештеңе білмеймін, қайда жұмыс істесең де барлығынан шығасың да “Қазақконцертте” жұмыс жасайсың” деді.
Мейрамбек, Тоқтар ағаларым ұстап өскен шапанының етегінің бір қанатының маған бұйырғаны мен үшін әншілік бақыт деп білем, ағайын. Үйде үйдің кенжесі едім, Қазақконцертке келіп жұмыстың кенжесі болдым”, – деді Алтынбек Қоразбаевтың шәкірті Нұрболат Абдуллин.
Нұрболат жеке кешінде біраз жаңа әнін де орындады. Жас әнші Әбдіжаппар Әлқожамен бірге де өнер көрсетті.
https://kaz.365info.kz/yyat-boldy-goj-nyrbolat-abdulin-sahnada-tayakh-zhep-khaldy-video-308420
“Нұрболат, Алматыдағы алғашқы кешің жоғары деңгейде өтті. Жасай бер!” – деп жазды Мейрамбек Бесбаев Instagram желісіндегі парақшасына.