Мәйіттерден ақша тапқан басшылар ұсталды
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі патологоанатомдық қызметке заңсыз жарнама жасап, сол үшін пара алған сот сараптама институтының басшылығын құрықтады.
Бұл туралы ҚазАқпарат хабарлады.
«Қарағанды облысы бойынша сот сараптамасы институты» РМКК-нің директоры Ибатов және оның орынбасары Нармағамбетов параны жүйелі түрде алып отырған.
“Олар өз лауазымын пайдаланып, марқұм болғандардың туысқандарына ақылы түрде патологоанатомиялық зерттеу қызметін көрсететін жеке ұйымға баруға кеңес берген. Сол үшін аталған ұйымнан 35-40 мың теңге көлемінде пара алып отырды. Екеуі өз кінәсін мойындады. Осыған байланысты күдіктілерге қатысты процессуалдық ұстау шарасы қолданылған жоқ. Тергеу жүргізілуде”, – деді Нұрлан Жаxин Астанада өткен баспасөз мәслиxатында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе