Маңғыстау облысында банк картасынан ақша ұрлағандар сотталды
Ақтау қалалық сотында қылмыстық топқа қатысты үкім шығарылды. Алты айыпталушының арасында өзге елдің азаматтары да бар.
Оларға банк карталарын жасау арқылы өзге адамдардың қаржыларын иемденді деген айып тағылған, деп Мangystautv.kz хабарлайды.
Бұл топ осындай күдікпен 2015 жылдың 15 желтоқсанында ұсталған болатын. Қылмыстық топ ұрлық жасау үшін банкоматтарға скиммер құрылғысын орнатқан. Сол арқылы банкомат қызметін пайдаланушылардың ақпаратын оқып отыруға қол жеткізеді. Мұнан соң 40 жалған карта жасап шығарады да төрт адамның 152 мың теңгесін қолды етіп үлгереді
– Маңғыстау облысы Ішкі істер департаменті ұйымдасқан қылмысқа қарсы күрес басқармасы қызметкерлері мен ұлттық қауіпсіздік комитетінің Маңғыстау облысы бойынша департаменті қызметкерлерінің бірлескен шараларының нәтижесінде Ақтау қаласы аумағында Қазақстан Республикасы, Әзербайжан, Грузия, Молдова елдері азаматтарынан құралған тұрақты ұйымдасқан топтың іс-әрекетінің жолы кесілді, – дейді Маңғыстау облыстық ІІД баспасөз қызметінің өкілі Ардақхан Нәубет.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе