“Мә, мықты екен…”. Өзбекстанға емделуге неге құмармыз?

Ауруханада дәрігер болып жұмыс істейтін әпкем еңбек демалысын пайдаланып, құрбысын ертіп Ташкентке барған ғой.

Біржолата емделе кетейік деп сондағы емханалардың біріне бас сұққан. Сенесіз бе, емханадағылар түске дейін екеуін толық тексеруден өткізіп, ауруларын анықтап, үш айға жететін дәрі-дәрмектеріне дейін жазып берген.

Үш айлық дәрі-дәрмегі екеуіне 18 мың-ақ теңге болған. Өзімізде дәрігер болып жұмыс істейтін әпкемнің аналардың қызмет көрсетулеріне, емханадағы заманауи аппараттарды көріп аузы ашылған ғой.