Мәссаған! Трамп сайлауда алаяқтық жасаған дейді
Ақ үй АҚШ-тың жаңа президенті Дональд Трамптың: “миллиондаған адамдар заңсыз дауыс бермегенде, мен халық дауысының басым бөлігіне ие болар едім”, деген мәлімдемесіндегі алаяқтық туралы сынды жоққа шығарды.
Америкалық әкімшіліктің мәлімдемесінде Трамптың сөздеріне ешқандай дәлел жоқ екені жазылған. Жаңа президент бұл пікірін 27 қарашада Twitter’дегі парақшасында жазды. Келесі бір жазбасында ол сайлаудағы басты қарсыласы Хиллари Клинтон жеңіске жеткен үш штат – Вирджиния, Нью-Гемпшир және Калифорниядағы дауыс беру заңсыз өтті деп мәлімдеді. Бірақ Трамп өз сөздеріне ешқандай дәлел келтірген жоқ.
Бұған дейін Клинтонның штабы Жасылдар партиясы үміткерінің Висконсин штатындағы дауыстарды қайта санау туралы бастамасын қолдаған еді. Халық дауысының нәтижесі бойынша, Клинтон Трамптан екі миллион дауыс артық жинады, бірақ АҚШ-тағы президенттік сайлаудың түпкілікті нәтижесін сайлаушылар алқасы шешті.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз