Мұндайда ат жақсы ғой. Көлікпен мал іздеймін деп несі бар еді?..

“Оқиға 4-қаңтарда болған. Қызылорда облысы Бәйгеқұм аулының тұрғыны құтқарушыларға хабарласып, автокөлігінің облыс орталығынан 110 шақырым қашықтықта орналасқан Бәйгеқұм ауылы маңындағы Қанқожа көлінде мұз астына түсіп кеткендігін айтқан. Хабар түскен бойда оқиға орнына құтқарушылар тобы аттанды”, — деп хабарлады ведомствода.

Оқиға орнында анықталғандай, OPEL Vectra автокөлігінің иесі мен досы мал іздеуге шығады. Ер адамдар жол қысқарту үшін көлді кесіп өтеміз дегенде, мұз астына түсіп кетеді. Ер адамдар көліктен шығып үлгеріпті. Ал, OPEL Vectra су түбінде қалса керек. Құтқарушылар суға сүңгу құрал-жабдықтары мен қолда бар затты пайдалана отырып, автокөлікті тартып, жағаға шығарып алды.