Ломтадзе кезекті рет Қазақстандағы ең үздік басшы атанды

– Баршаңызға жұмысымызды оң бағалағандарыңыз үшін және зерттеуді ұйымдастырғаны PwC компаниясына алғыс білдіремін. Бұл инновациялық сервистер құрып жатқан, осылайша сүйікті клиенттеріміздің өмірін жақсартып жатқан ғажайып командамыздың тағы бір мойындалуы. Өткен жылы біз Kaspi.kz-тің IPO-сын сәтті жүргіздік. Қазақстанды әлемдік инновациялар картасына енгізіп, еліміздің халықаралық инвесторлар үшін тартымдылығын едәуір арттырдық. Біз өз тарапымыздан сүйікті клиенттерімізді әлемдік деңгейдегі жаңа инновациялық қызметтермен таң қалдыруды жалғастыра бермек ниеттеміз.

Сауалнамаға экономиканың әртүрлі саласындағы қазақстандық ірі компанияның 71 CEO-сы қатысты. Респонденттер Kaspi.kz-тің IPO-ға сәтті шыққанын, команданың кәсібилігін, компанияның технологиялылығы және басшысының стратегиялық болжау жасау шеберлігін атап өтті.

PwC бұл зерттеуді бүкіл әлем бойынша 24 жылдан бері және соңғы 9 жылдан бері Қазақстанда жүргізіп келеді. Сауалнаманың негізгі мақсаты – жаһандық және ұлттық экономикадағы жағдай туралы басшылардың пікірін бағалау, тәуекел факторлары мен бизнесті дамыту мүмкіндіктері туралы білу.

Зерттеудің толық нұсқасымен PwС сайтынан танысуға болады.