Өлместің күнін көріп жүрміз. Оны Үкімет біле ме екен?
Мына қарияларды күнде көрем. Бірі құрт-майын ұсынса, бірі ойыншық, ұсақ-түйек сатады. Бұ қарияларды күннің суығында далада тұруға мәжбүрлейтін нәрсе – мардымсыз зейнетақы.
Күніне 300-500 теңге пайда көреміз дейді. Анда-санда полиция қызметкерлері келіп, бұларды қуып жібереді. Сөйлесе қалсаңыз, қариялар ауыр күрсінеді.
Зейнетақы мен әлеуметтік жәрдемақы өсе қалса, тамақ бағасы да қымбаттай кетеді,
дейді көзі жасаураған кейуананың бірі.
– 45 мың теңге алдым. Зейнетақының өскен түрі. Екі мүгедек асырап отырмын. Қол сүтінің бір литрін 200 теңгеден алушы едім. Міне 220 теңге болды. Картоп, шәй қымбаттады. Зейнетақының өскенінен не пайда? Қалай өмір сүреміз?
Бағасы көтерілген тағам ғана емес. Әр өңірде коммуналдық қызмет бағасы жоғарылауда.
Халықтың көбі жалақының төмен екенін айтып жылап жүр. Бұл өмір бізге ауыр тиюде.
Теледидарды қоссаңыз, Үкімет басшысы бағаны негізсіз көтермеңдер деп «тиісті шаралар» қабылдауды тапсырып жатады. Одан реттеліп жатқан баға да, түзеліп жатқан тіршілік те жоқ. Рас қой?
Аяжан Төрехан
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе