Лео Месси балалық шақтағы дос қызына үйленіп алды
“Барселонаның” форварды Лионель Месси 30 маусымда Аргентинаның Росарио қаласында 250 адам шақырып, дүркіретіп той өткізді, – деп хабарлайды kaz.tengrinews.kz.
30 жастағы Мессидің жары – Антонелла Рокуццо, олар бала кезінен таныс, дос, ал 2005 жылдан бері кездесе бастаған, қазір жұптың екі баласы бар.
Неке қию рәсімі қауіпсіздігі жоғары қымбат қонақүйде өтті. Шараға 150 журналист кіре алыпты, Росариоға футболшының клубтастары Неймар, Луис Суарес және Жерар Пике әйелі Шакирамен бірге келген.
“Ол тіпті өзгермеген. Қарапайым жігіт, жеткен жетістігіне қарамастан сондай болып қалды”, – деді Лионельдің бала күнгі досы Диего Вальехос.
Месси бес мәрте жылдың үздік футболшысы атанған, “Барселона” құрамасында сегіз рет Испания чемпионы атанған, төрт рет Чемпиондар лигасында топ жарды. Ал Аргентина құрамасында Месси 2008 жылы Олимпиада чемпионы атанды.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз