Елімізде «Қазақ киносының онкүндігі», «Қазақ киносының күндері», «Қазақ киносының апталығы» деген секілді арнайы бағдарламалар өтіп жатады.
Өз жерінде, өз Отанында «Қазақ киносының күндері» өтуі көрер көз, естір құлаққа ерсі емес пе?!
«Жапон киносының Қазақстандағы онкүндігі» немесе «Қазақ киносының Франциядағы апталығы» десе әңгіме басқа.
Неге көрсетілмейді? Түсініксіз? Осы бір мәселе жөнінде кезінде талантты режиссер Талғат Теменов былай деп еді:
— «Бұл қазақ киносының өз елінде өгей күй кешіп отырғанын көрсетеді. Ресей, Италия, Франция, Жапония елдерінде өз киноларының онкүндігі болмайды, тек фестивальдер ғана ұйымдастырылады.
Бұл – құлаққа түрпідей тиетін, бір жағынан күлкілі жағдай. Қазақтың бар киносының өзі прокатта жоқ деген сөз.
«Шетінен топас…». Талғат Теменов «Тоқал» фильмінің масқарасын шығарды
Мұның себебі – ең алдымен, киностудия басшылары мен прокат мәселесімен айналысатындардың ортақ тіл табыса алмауынан.
Әрбір кинотеатрда қазақ киносы көрсетілетін болса, ондай онкүндіктердің неге керегі бар?
Кинотеатрлардан қазақ киносын міндеттеп көрсетер болса, киноның бағы жанары анық. Кино саласы да аққу, шортан һәм шаянның күйін кешіп отыр. Осы елдің ақшасынан күнелтіп отырған кинотеатрлар сол елдің тілінде кино көрсетуі шартты нәрсе. Қазақ тілінің мәртебесін арттыру үшін бұрын телеарналарды 50-50 деп міндеттесек, енді кинотеатрлар үшін де осындай жоба жүзеге асуы керек. Бұл сөкет дүние емес.
Ақшарқат Ахметбек
10 минуттық фильм. «Таксист» деген «шымкентски» кино шығыпты (видео)