Күлікбаевты халық неге асырауы керек?
Қанішер Күлікбаевты сіз бен біз асырап отырмыз, деп жазыпты shyn.kz.
Алматыда лаңкестік акт жасап, 8 полиция қызметкері мен екі бейбіт тұрғынды атып өлтіріп, тағы үш адамның өміріне ауыр қатер төндірген Руслан Күлікбаевты сот өлім жазасына кескенін білесіздер. Алайда, біздің елімізде өлім жазасын тағайындауға болғанымен, орындауға моратория жарияланған. Мұндай моратория 2003 жылы желтоқсан айында Елбасының жарлығымен бекітілген. Сондықтан, 2004 жылдың 1 қаңтарынан бастап өлім жазасына кесілгендер өмір бойы түрмеде отырады. Қазір елімізде өмір бойы қатаң режимдегі түрмеде жалғыз кісілік камерада отыру жазасы кесілген 100 адам бар. Егер өлім жазасына жарияланған шектеу алынып тасталса, бұлардың бәрі бір жылдан соң атылады.
Бізде әйелдер, кәмелетке толмаған балалар мен жасы 63-тен асқан адамдарға өлім жазасы қолданылмайды.
Соңғы жылдары елімізде жиі қайталанған террорлық актілер мен педофилдердің ойранынан кейін халықтың басым бөлігі өлім жазасын қалпына келтіруді сұрағанымен, Үкімет батыстың талабынан аса алмай отыр. Ал, қылмыскерлер әйтеуір бір бостандыққа шығамын-ау деген үмітпен ешбір қылмыстан тайынбайды. Бізден өлім жазасын алып тастауды талап еткен алпауыт елдердің өздері бұзақыларды өлім жазасымен қорқытып тізгіндеп отыр.
Өлім жазасына кесілгендерді бюджеттің ақшасына ұстайды. Оларды күзетуге, ішіп-жеуіне кететін шығын салық ретінде сіз бен біздің қалтамыздан шығып жатыр. Солай, әлгі қанішер Күлікбаевты сіз бен біз асырап отырмыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе