Күйеуінің соққысынан тірі қалған Алтынайдың ісі бойынша сот үкімі бүгін шығады

«Немолчи» қорының хабарлауынша, Алтынайдың күйеуі Әсет Аюповқа бастапқыда Қылмыстық кодекстің 106-бабы — «Денсаулыққа қасақана зиян келтіру» бойынша айып тағылған. Қор өкілдері бұл істерде неге ҚК-нің 99-бабы — «Адам өлтіру» бабы бірден қолданылмағанын сұрақ ретінде көтеріп отыр

Қор өкілдері Алтынайдың аман қалуы — дер кезінде көмек сұрай алғанының нәтижесі екенін атап өтті.

«Бұл екі жағдай — тұрмыстағы зорлық-зомбылықтың «отбасылық жанжал» ретінде бағалануы қаншалықты қауіпті екенін көрсетеді», — делінген қор хабарламасында.

Алтынай ісі бойынша бүгін, 22 желтоқсанда сот үкімі шығуға тиіс.

«Қазір ол (Алтынайдың күйеуі) үш жыл да отырмай, таңертең Көкшетауда еркін жүріп-тұрады да, кешке түнемелеу үшін мекемеге қайта оралады. Оның алған жазасы – осы ғана. Бұл қалай болғаны? Оның себебі мынада: ҚК-нің 106-бабы бойынша саралау сол күйі қалдырылды; Алтынай қаза тапқан жоқ, тірі қалды (тергеу осылай деп есептегендей); Әсет – ер адам, ал Алтынай оны (оның түсінігінше) өзі ашуландырған; заң ерлердің жағында мінсіз жұмыс істейді, ал әйелдер үшін – жұмыс істемейді», – дейді қор өкілдері.