Курчатовта жаңа электр стансасы салынады
Мемлекет басшысының көмір генерациясын дамыту жөніндегі тапсырмасын орындау шеңберінде және 2035 жылға дейінгі электр энергетикасы саласын дамыту жөніндегі іс-шаралар жоспарына сәйкес, Энергетика министрлігі Курчатов қаласында қуаты 700 МВт болатын жаңа конденсациялық электр стансасын салуға тендер өткізді.
Өткізілген тендер нәтижелері бойынша 2026 жылғы 12 қаңтарда «ГРЭС Курчатов» ЖШС компаниясы атынан жеңімпаз анықталды. 2026 жылғы 13 қаңтарда Министрлік пен тендер жеңімпазы арасында жаңадан пайдалануға берілетін генерациялайтын қондырғыларды салуға шарт жасалды.
Осы жоба аясында шығарындыларды тазарту мен сүзудің, сондай-ақ шаңды басудың заманауи технологияларын қолдануға ерекше назар аударылады. Жоба қолданыстағы Экологиялық кодекске және ЕҚТ (ең озық қолжетімді технологиялар) нормаларына сәйкес, әлемдік стандарттар деңгейіндегі газ тазалау жүйелерін орнатуды көздейді.
Конденсациялық көмір электр стансасының құрылысы бюджет қаражатын тартпай, электр қуаты нарығының қолданыстағы механизмі шеңберінде жүзеге асырылады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе