“Крутойдың” көлігі екен”. Әскерилермен болған жанжал туралы видеоның мән-жайы айтылды

Басылымның мәліметінше, ауыл тұрғындары офицерді ұрып-соға жаздайды. Бірақ, абырой болғанда, ер адам сытылып шығып, шекара бекетіне қарай қашып құтылады. Топ адам соңынан қалмай қуған соң офицер қолына автомат алып, әуеге бірнеше рет ескерту ретінде оқ атқан. Содан біраз уақыттан соң бір топ ауыл тұрғыны әскери бөлімнің қақпасының алдына жиналып алған. Тұрғындар олардан басшылықтағыларды шақыруды талап етіп, әскерилермен әрі қарай арадағы түсінбестікті шешпек болады. Сөйтіп түн жарымына дейін кетпей сол арада тұрып алады.

Бұл оқиғаға қатысты аудандық Ішкі істер бөлімі іс қозғады деп хабарлады „Хабар-24„ телеарнасы.

Естеріңізге сала кетейік, Каспий теңізінің жағасында орналасқан Жанбай ауылы – браконьерлікпен аты шыққан елді мекен. Мұнда құқық қорғау органдары мен тұрғындар арасындағы текетірес жиі тіркеледі.

Жанболат Аекенов, Батыс өңірлік әскери прокуроры:

– Қазіргі таңда шекарашылардың қызметтік қару қолданғаны жөнінде факт тіркелді. Бұл жөнінде қызметтік тексеріс жүргізілуде. Бұдан басқа азаматтарға да қатысты іс қозғалып, тергеу жүргізілуде. Тергеуді Атырау облысының Исатай ауданының Ішкі істер бөлімі жүргізіп жатыр. Бүгін шекарашы командирінің анықтауымен жергілікті тұрғындармен жиналыс жасалып, заңды түсіндіру жұмыстары жүргізілуде.

Видеода бейәдеп сөздер кездесетінін ескерте кетелік.