Көршілерінің ыңырсыған даусынан шаршаған Астаналық келіншек шағым айтты
Астанадағы су жаңа үйлердің тұрғындары қабырғалардың тым жұқа салынғанына шағымдануда.
Олар көршілердің даусын естіп отырудан әбден мезі болған, деп, хабарлайды Nur.kz.
“Бірнеше ай бойы ұйқы жоқ. Қайдағы бір шалғайда емес, сол жақ жағалауда пәтер жалдап тұрамын – бұл үйді Қазақстандағы танымал құрылыс компаниясы көтерген. Алайда пәтер қабырғаларының жұқа болғаны соншалықты,тіпті, көршілердің төсек қатынасына түсіп жатқанына дейін естіледі. Олар дәл қасымда жатқандай әсерде боламын”, – дейді ызаға булыққан Айдана.
“Қасымда сүйіктім болса, түнде қанша айқайласа да үндемес едім. Жұқа қабырғалар әбден мезі етті. Олардың дауысын естіген мен де төсек қатынасын қалаймын. Бір жағынан, өзге пәтерлерде кішкентай балалар бар емес пе? Бірінші қабатта біреу түшкірсе, бесінші қабатта “сау бол” айтып жатады”, – деп шағымданды шаршаған келіншек.
Мұндай қиындықтарға өзге тап болғанын тұрғындар да жарыса жазуда, олар үйді салған құрылыс компаниясына ашулы екенін жасырмайды.
“Бүгін “будильникті” сағат таңғы сегізге қойсам да жетіде шырылдады. Сөйтсем, мені өзімдікі емес, көршінің “будильнигі” оятыпты . Соның салдарынан, ұйқымнан бір сағатқа тұрдым”, – дейді Instagram желісінде Малика Уәлиева есімді тұрғын.
“Біресе, төбедегі балалар ұрсысады, біресе, әже теледидар қосады, біресе, астымдағы пәтердегі бала ауырып, түні бойы жөтеліп шығады. Астанада эконом-санаттағы пәтерді жалға алған деген осы – осыны да 21 ғасырдың үйі, дейді ғой”, – деп күйінеді Лариса Красикова есімді Facebook қолданушысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе