Нұр-Сұлтан
Қазір
-12
Ертең
-13
USD
425
-1.10
EUR
505
-0.92
RUB
5.59
-0.02

Коронавирус өрши түсті: вирус жұқтырғандардың саны екі айдағы ең жоғарғы деңгейге жетті

Ресми мәліметтер бойынша, 29 қазандағы жағдай бойынша инфекцияның жалпы саны 111 100-ге жетті.

Соңғы тәулікте коронавирус диагнозы 268 адамға қойылды.  22 тамыздан бастап алғаш рет бір күнде  200-ден астам адам вирус жұқтырды. Бұған дейін екі апта бойы күнделікті жаңа жағдайлардың саны ары кетсе 100-ден асқан еді.

Тағы бір аса жағымсыз жаңалық бар. Шығыс Қазақстан облысы 28 қазанда анықталған вирус жұқтырғандар саны бойынша  көшбасшы болды. Бір тәулік ішінде мұнда 139 факт тіркелді, бұл жалпы республикалық көрсеткіштің жартысынан көбі.

ШҚО соңғы 2,5 айда бір күнде 100-ден астам жаңа жағдай анықталған алғашқы өңір. Соңғы рет осындай нәтиже Нұр-Сұлтан қаласында 11 тамызда тіркелді. Ол кезде елордада 143 факт анықталған еді.

Соңғы 12 күннің 11-інде (және қатарынан 8 күн) жаңа жағдайлардың өсу қарқыны коронавирустан емделіп шыққандардың санына қарағанда жоғары. 28 қазанда жұқтырғандар санының өсуі 0,24% құрады, бұл 20 тамыздан бастап ең жоғары қарқын.

 

Қазақстандық вакцина қашан дайын болады?

Жағымды жаңалық та бар. Биологиялық қауіпсіздік мәселелері ҒЗИ басшысы Күнсұлу Закария Қасым-Жомарт Тоқаевқа отандық коронавирусқа қарсы вакцина клиникалық зерттеулердің бірінші кезеңінен өткенін хабарлады.

«Институт әзірлеген белсенді емес вакцинаны ДДҰ мақұлдады және клиникалық зерттеулердің бірінші кезеңінен өтті. Қазіргі уақытта Ұлттық фтизиопульмонология ғылыми орталығында зерттеудің екінші кезеңі жүргізілуде», — делінген Ақорданың хабарламасында.

Сондай-ақ, баяндамада отандық өндірістің екінші вакцинасы бойынша жұмыс туралы ақпарат бар. Ол бойынша клиникалық зерттеулер де сәтті өтті.

Сонымен қатар,

ҒЗИ аумағында иммундық препараттар шығаратын зауыт салынуда

Жобалық қуаты жылына 60 миллион вакцина дозасын құрайды. Бұл ішкі нарық үшін де, экспорттық жеткізілімдер үшін де жеткілікті.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз