Көкшетауда 1 жасар балаға көмекке асыққан жедел жәрдемнің өзіне жәрдем қажет болды. Қала ішінде басқа көлікпен соқтығысқан дәрігерлер көлігі жолдан шығып, тұмсығымен арыққа түсіп кеткен.
Бұл туралы КТК арнасы хабарлайды.
Оқиға кеше кешқұрым болған. Дабыл қаққышын қосқан жедел жәрдем бағдаршамның қызыл түсіне өтіп кетпек болған сәтте, ВАЗ көлігіне соғылады. Соққының күштілігінен жолдан тайып, арыққа түсіп кеткен. Ал екінші көлік қарсы бетте тоқтап тұрған Toyotaға соғылып тоқтаған.