“Клинтон қойсай!”. Трамп Хиллариға ренжіп жатыр
АҚШ-тың жаңадан сайланған президенті Дональд Трамп қарашадағы президент сайлауындағы басты қарсыласы – Хиллари Клинтонның шешуші үш штатта дауыстардың қайта саналуын қолдағанына өкініш білдірді.
Бұл туралы Трамп Twitter’дегі парақшасында жазды. Бұған дейін Клинтонның штабы Висконсинде бюллетендердің қайта саналуын қолдайтынын хабарлаған еді.
Клинтон Трамптан екі миллион дауыс көп жинаған. Дей тұрғанмен, президенттің кім болатынын шешетін орган – сайлаушылар алқасының 290 дауысы Трампқа берілді. Мичиганды қоспағанда, Клинтон 232 дауысқа ие. 27 қарашадағы мәлімет бойынша, бұл штатта Трамп Клинтоннан 11 мың дауыс артық жинаған. Егер дауыстарды қайта санау кезінде Клинтонның Мичиган, Висконсин және Пенсильванияда жеңіске жеткені анықталса, онда ол сайлаушылар алқасының көп дауысына ие болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе