Қазнет жұртшылығын өнерімен тәнті еткен жеткіншектің видеосы әлеуметтік желілерде кеңінен таралған.
Қазақстандық “кішкентай Джим Керри” атанған балақайдың ата-анасы видеоның мән-жайын айтып берді, деп хабарлайды Tengrinews.kz.
Белгілі болғандай, кішкентай комик Абылай Алмахов Қарағанды облысының Сәтбаев қаласында тұрады.
Видео 13 шілдеде түсірілген. Сол күні бала отбасымен бірге Жезқазғанда ағасының үйлену тойына барған. Анасы Гүлшат Байтоқанованың айтуы бойынша, ұлының осындай кішкентай өнері бүкіл Қазақстанға танымал етеді деп ойламапты.
“Біз оған қарама-қарсы отырдық, ол тойда әншінің өнер көрсетуі кезінде әзілдей бастады. Бұл күлкілі көрінгендіктен, телефонға түсіріп, туыстарға жібердік. Видео Интернетке шығып, көпке тарайды деп ойламадық.
Ұлымыз әрдайым үйде әзілдеп жүреді, пародия жасағанды жақсы көреді. Таңертеңнен бастап бізге барлық таныстарымыз бен туысқандарымыз қоңырау шалып, Абылайдың Интернетте танымал болғанын айтып жатыр”, – дейді Абылайдың анасы.