Бауыржан Байбектің үкімімен Алматы қаласы әкімінің орынбасары Болат Сауранбаев қызметінен босатылып, оның орнына Сұлтанбек Мәкежанов тағайындалды. Ол сәулет, құрылыс, мемлекеттік сәулет-құрылысын бақылау, жер қатынастары, метро құрылысы, автокөлік жолдары және қала коммуникациясы мәселелеріне жауапты болмақ. Бұл туралы Алматы қаласы әкімдігінің баспасөз қызметі хабарлады.
Сонымен қатар, ол мемлекеттік органдардың орталығы мен өңірдегі бөлімшелерінің, басқа ұйымдар мен облыстық жер қатынастарының, сәулет-қала құрылысы қызметін қадағалап, жобалық жұмыстарды сараптау, автокөлік жолдары мәселелерімен де шұғылданбақ.