Қызылордада жолда келе жатқан көлікті тоқтатып, ішіндегі адамдардың барын тартып алып, тонаған екі азамат ұсталды.
Бұл туралы Қызылорда облысы ішкі істер департаментінің баспасөз қызметі хабарлады.
Тоналғандар Қырғыз елінің азаматтары болып шықты. Қызылордалық полицейлер қырғыз азаматтарын тонаған 28 және 25 жастағы Қармақшы ауданының 2 тұрғынын ұстады. Оқиға 21 кыркүйек күні түнгі сағат 03:50 шамасында Шымкент-Самара тас жолының бойында орын алған. Белгісіз бір келіншек ішкі істер бөліміне телефон соғып, тоналғандары жөнінде хабарлаған. Тіркелген дерек бойынша, жедел түрде сол аумақта барлау жұмыстарын жүргізіп жүрген жол-патрульдік полиция ротасына тиісті нұсқау беріліп, нәтижесінде 1992 жылғы және 1989 жылғы 2 азамат ұсталды.
Аталған дерек ҚР Қылмыстық кодексінің 191-бабы 2-бөлігі 1,3-тармағы бойынша Сотқа дейінгі тергеп-тексерудің бірыңғай тізіліміне тіркеліп, тергеу амалдары жүргізілуде.