Қызылордалық полицейлер автокөлікті алып-сатуға байланысты алаяқтыққа қатысы бар деген азаматтардың қылмысын әшкереледі, – деп хабарлайды облыстық ішкі істер департаментінің баспсөз қызметі.
Ағымдағы жылдың наурыз айында Қызылорда қаласының тұрғыны хабарландыру сайттары арқылы «Audi – A6» маркалы автокөлігі сатылымға қойылғандығын көреді. Автокөлік егесімен кездесіп, екеуіне де қолайлы боларлық бағаға уағдаласып, сұраған 1 млн. 630 мың теңгесін қолына ұстатады. Алайда көлік егесі түрлі сылтаулар айтып, көлікті сатып алушының меншігіне заңды түрде ресімдеп беруден қашқақтап жүреді.
– Біраз уақыт өткеннен кейін көлік басқа біреуге сатылып кеткендігі белгілі болды. Алаяқтың арбауына түскен қала тұрғыны ішкі істер органдарына шағымданып, 1982 жылы туылған азамат ұсталып, ҚІІБ-ге жеткізілді, – делінген баспасөз қызметі таратқан вақпаратта.
– Дәл осы тектес алаяқтық фактісі 22-шілдеде тіркелді. Бұл жолы қаңтар айында 1991 жылы туылған азамат «арзан бағаға кепілде тұрған «Toyota Camry – 40» маркалы автокөлігін сатып алып беремін» деп сендіріп, жәбірленушінің 1 560 000 теңге ақшасын алған. Алайда берген уәдесін орындамай, ақшасын заңсыз иемденген, – дейді тәртіп сақшылары.
Аталған дерек бойынша ҚР Қылмыстық кодексінің 190-бабы 3-бөлігі бойынша қылмыстық іс қозғалып, 26 жастағы қала тұрғыны ұсталып, Тергеу изоляторына қамауға алынды.