Қызылордада әкесін пышақтаған жігітке үкім шықты
Қызылорда облысы Қазалы ауданының тұрғыны өз әкесін пышақтады.
Бұл туралы Baq.kz хабарлады.
Қазалы аудандық соты баспасөз қызметінің өкілі Ақылбек Қазыбековтің айтуынша, қылмыс биыл 11 ақпанда сағат 21:00 шамасында болған.
«Әкесі, яғни жәбірленуші үйіне келгенде баласы оған «Сен неге іше бересің, арақты қашан қоясың?» деп кейіген. Ал әкесі болса ұлының жағасынан ұстап, балағаттап, кеудесінен итеріп жіберген. Баласы сол сәтте еденге құлайды. Сосын жанында тұрған шай ішетін үстел үстіндегі тұрмыста қолданылатын асхана пышағын алып, әкесінің сол жақ жауырынының астына тығып алады. Абырой болғанда, жәбірленуші аман қалды. Бұл денсаулығына қасақана ауыр зиян келтірген қылмыс болып саналады», – дейді А.Қазыбеков.
«Сотталушы Қазақстан Республикасы Қылмыстық Кодексінің 106-бабының 1-бөлігімен кінәлі деп танылып, төрт жылға бас бостандығын шектеу жазасы тағайындалды», – дейді Дәурен Әбдіхалықов.
Үкім заңды күшіне енген жоқ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе