Қызылорда облыстық кәсіпкерлер кеңесінде несие бергісі келмейтін банктер сыналды
Қызылорда облысының Кәсіпкерлер кеңесінде аймақта кәсіпкерлікті дамыту және әкімшілік кедергілерді жою мәселелері талқыланды.
Бұл туралы Қызылорда облысы әкімінің баспасөз қызметі хабарлады.
– Шағын және орта кәсіпкерлікті, әсіресе микрокәсіпкерлікті дамытуға басымдық таныту керек. Облыста өңірлік кәсіпкерлік палатасы құрылғаннан бастап (2013 жылы) аймақтағы кәсіпкерліктің дамуына мақсатты жұмыстар жүргізілді. Нәтижесінде мыңнан аса жұмыс орны құрылды,- деді облыс әкімі Қырымбек Көшербаев Кеңес отырысын аша отырып.
Қызылорда облысы Кәсіпкерлер палатасының директоры Ғалымбек Жақсылықов кәсіпкерлер жұмысындағы әкімшілік кедергілерді жою бойынша атқарған жұмыстар жөнінде баяндады.
Сондай-ақ кездесу барысында өткен жылдың желтоқсан айының аяғында ашылған Кәсіпкерлерге кеңес беру орталығының тұсаукесері өтті. Орталықтың басты мақсаты кәсіпкерлерге қысқа уақытта рұқсат қағаздарын алу, кеңес беру болып табылады. Бұдан бөлек, Кәсіпкерлерге кеңес беру орталығы инвесторларды тартып, инвестициялық жобаларды жүзеге асырады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе