Қытайдың Сычуань провинциясында болған жер сілкінісінен зардап шеккендер арасында қазақстандықтардың бар-жоғы анықталды.
Алдын ала деректерге сүйенсек, Қытайдағы зілзаладан зардап шеккендер арасында қазақстандықтар жоқ деп хабарлады ҚазАқпарат агенттігінің Қытайдағы меншікті тілшісі сол елдегі консулдыққа сілтеме жасап.
Сондай-ақ Қытайдың батысындағы Сычуань провинциясы Цзючжайгоу уезінде 30 мыңнан астам турист эвакуацияланды. Ал табиғат апаты болған жерге жақын орналасқан Цзюхуан әуежайынан 600 турист эвакуацияланды. Соңғы деректерге қарағанда, 164 адам жарақаттанып, 12 адам қаза тапқан.