Қытайда Қазақстан Қарулы Күштерінің 25 жылдығы атап өтілді

Қытайдың Халықтық азат ету армиясының генерал-майоры Ван Цзидун келіп, әріптестерін құттықтады. Бейжіңдегі Қазақстан Қарулы Күштерінің әскери атташесі Ерен Көжеков Тәуелсіздік алған күннен бастап қазақ елі шет мемлекеттермен қарым-қатынасқа мән беріп келгенін атап өтті. Бүгінде Қазақстан Шанхай Ынтымақтастық Ұйымының аясында «Бейбіт миссия» сияқты халықаралық әскери оқу жаттығуына белсенді қатысады. Ұжымдық қауіпсіздік туралы шартқа қол қойған мемлекеттермен бірлесіп жұмыс істейді. Біріккен Ұлттар Ұйымының бейбіт мақсаттағы операцияларына да қатысады.

Александр Мельничук, Украинаның ҚХР Елшілігіндегі әскери-әуе және әскери-теңіз атташесі:

– Бірінші кезекте Қазақстанның өкілдерін 25 жылдық мерейтоймен құттықтаймын. Менің Қазақстан Қарулы Күштерімен 2004-2005 жылдары Иракта бірлесіп жұмыс істеген тәжірибем болды. Әскери қызметкерлердің жауынгерлік тапсырманы өте кәсіби орындағанын атап өткім келеді.