Синоптиктер 2017 жылғы 1-3 сәуір – демалыс күндеріне арналған ауа райы болжамын жария етті, – деп хабарлайды Tengrinews.kz “Қазгидромет” РМК өкілдеріне сілтеме жасап.
Мамандардың мәліметінше, сәуір айындағы ауа райының ерекшелігі атмосфералық процестердің тез өзгеруінде. Қазақстан аймақтары арқылы антициклондар және циклондар жоғары жылдамдықпен жылжиды.
Сонымен қатар, антициклонның ықпалымен сенбі күні батыста, жексенбі күні солтүстік, орталық және шығыста жауын-шашынның тоқтауы күтіледі, бірақ ауа температурасы түнде 8-18 градус аязға дейін төмендейді, климаттық нормадан 3-6 градусқа төмен болады деп болжанып отыр.